Too nesti llibru preciosu ta pensao, baxo la premisa del menos ye más, pa espertar sensaciones y aguiyar la creatividá ente los llectores más nuevos. Ye un llibru perindicáu pa les primeres edaes, encuadernáu en tapa dura, de gran formatu, con ilustra-ciones hipnótiques y poques pero precises pallabres, y mui amañosu pa interpretaciones imaxinatives, a comuña ente ma-yores y pequeños, ente escolinos y educadores, ideal pal aniciu na llectura nel rodiu familiar y escolar, y convida a entamar xue-gos llingüísticos y actividaes plástiques a esgaya. Zoo ye un llibru míticu de Bruno Munari, asoleyáu orixinalmente n inglés (Nueva York, 1963) que nun se publicara n italiano has-ta 1972. Tampoco nunca nun s asoleyara hasta agora n España en nenguna llingua. El llibru ye una maraviya formal, un prodixu visual y conceptual, abiertu a milenta llectures, interpretaciones y ensoñaciones sobre l mundu de los animales, los sos vezos, les sos figures, los sos colores, pelo, plumaxe, los sos nomes. Les imáxenes y les páxines de Zoo apaecen maxistralmente dispuestes nuna maquetación llibre y orixinal, españando de cromatismu; los rétulos y los tes-tos, curtios y precisos pero ocurrentes y delles veces irónicos, xueguen col llector como piedres tiraes al estanque de la so imaxinación y conviden a enanchar les ocurrencies dende l conoci-mientu y la propia vivencia personal. Bruno Munari (1907-1998) l autor y ilustrador d esti llibru, fue ún de los grandes nomes del diseñu gráficu, industrial y editorial del sieglu XX. Nel so maxín medró un bayurosu llaboratoriu creativu del que xurdieron tamién llibros pa la reciella nos que l xuegu, lo didáctico, la invención y la llibertá imaxinativa diben siempre de la mano pa discurrir histories maravioses. Esta ye la primer vegada que se publica n asturianu.